ಬಿಜೆಪಿಗೆ ಹಿನ್ನಡೆ: ಮಹಾರಾಷ್ಟ್ರದ ಪ್ರಭಾವಿ ನಾಯಕ ಏಕನಾಥ್ ಖಡಸೆ ಎನ್’ಸಿಪಿಗೆ!

ನ್ಯೂಸ್ ಕನ್ನಡ ವರದಿ: ಮಹಾರಾಷ್ಟ್ರದ ಅಸಮಾಧಾನಿತ ಬಿಜೆಪಿ ಮುಖಂಡ ಏಕನಾಥ್ ಖಡಸೆ ತಾನು ಶರದ್ ಪವಾರ್ ನೇತೃತ್ವದ ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಕ್ಷವನ್ನು ಸೇರುತ್ತಿರುವುದಾಗಿ ತಿಳಿಸಿದ್ಧಾರೆ. ಇದರೊಂದಿಗೆ ಕೆಲ ದಿನಗಳಿಂದ ಅವರು ಬಿಜೆಪಿ ತೊರೆದು ಎನ್​ಸಿಪಿ ಸೇರಬಹುದು ಎಂದು ಹರಿದಾಡುತ್ತಿದ್ದ ಸುದ್ದಿ ಈಗ ನಿಜವಾಗಿದೆ.

ಏಕನಾಥ್ ಖಡಸೆ ಅವರು ಪಕ್ಷ ತೊರೆಯುವ ನಿರ್ಧಾರಕ್ಕೆ ಫಡ್ನವಿಸ್ ಅವನ್ನು ಮಾತ್ರ ದೂರಿದ್ದಾರೆ. “ನನ್ನನ್ನು ಬಿಜೆಪಿಯಿಂದ ಹೊರ ನೂಕಲಾಗಿದೆ. ಆ ಪಕ್ಷದಲ್ಲಿ ದೇವೇಂದ್ರ ಫಡ್ನವಿಸ್ ಬಿಟ್ಟು ಬೇರೆ ಯಾರೊಂದಿಗೂ ನನಗೆ ಅಸಮಾಧಾನ ಇಲ್ಲ. ನನಗೆ ಎನ್​ಸಿಪಿಯಲ್ಲಿ ಯಾವ ಭರವಸೆಯನ್ನ ನೀಡಿಲ್ಲ. ನಾನೊಬ್ಬನೇ ಆ ಪಕ್ಷ ಸೇರುತ್ತಿದ್ದೇನೆ. ಬೇರೆ ಬಿಜೆಪಿ ಶಾಸಕರಾಗಲೀ, ಸಂಸದರಾಗಲೀ ನನ್ನ ಜೊತೆ ಬರುತ್ತಿಲ್ಲ” ಎಂದು ಖಡಸೆ ಮಾಧ್ಯಮದವರಿಗೆ ಸ್ಪಷ್ಟಪಡಿಸಿದ್ದಾರೆ.

ಏಕನಾಥ್ ಖಡಸೆ ಎನ್​ಸಿಪಿ ಸೇರುವ ವಿಚಾರವನ್ನು ಎನ್​ಸಿಪಿ ಮಹಾರಾಷ್ಟ್ರ ಘಟಕದ ಮುಖ್ಯಸ್ಥ ಜಯಂತ್ ಪಾಟೀಲ್ ಖಚಿತಪಡಿಸಿದ್ದಾರೆ. “ಖಡಸೆ ಅವರು ಶುಕ್ರವಾರ ಮಧ್ಯಾಹ್ನ 2ಗಂಟೆಗೆ ಎನ್​ಸಿಪಿ ಸೇರುತ್ತಿದ್ದಾರೆ. ಅವರ ಆಗಮನದಿಂದ ನಮ್ಮ ಪಕ್ಷದ ಬಲ ಇನ್ನಷ್ಟು ಹೆಚ್ಚಾಗಲಿದೆ” ಎಂದು ಸಚಿವರೂ ಆಗಿರುವ ಜಯಂತ್ ಪಾಟೀಲ್ ಹೇಳಿದ್ದಾರೆ.

Leave a Reply

Your email address will not be published. Required fields are marked *