1984ರ ಚುನಾವಣೆಯಲ್ಲಿ ಆರೆಸ್ಸೆಸ್ ಸಹಾಯ ಯಾಚಿಸಿದ್ದರಂತೆ ರಾಜೀವ್ ಗಾಂಧಿ: ಸ್ಫೋಟಕ ಮಾಹಿತಿ ಬಯಲು!

ನ್ಯೂಸ್ ಕನ್ನಡ ವರದಿ(09-04-2018): 1984ರ ಲೋಕಸಭಾ ಚುನಾವಣೆಯಲ್ಲಿ ದಿವಂಗತ ರಾಜೀವ್ ಗಾಂಧಿಯವರು ಆರೆಸ್ಸೆಸ್ ಸಹಾಯವನ್ನು ಯಾಚಿಸಿದ್ದರು ಎಂಬ ಸ್ಪೋಟಕ ಮಾಹಿತಿ ಬಯಲಾಗಿದೆ. ರಷೀದ್ ಕಿದ್ವಾಯಿಯವರ ‘24 ಅಕ್ಬರ್​ ರೋಡ್​; ಎ ಶಾರ್ಟ್​ ಹಿಸ್ಟರಿ ಆಪ್ ದಿ ಪಿಪಲ್ ಬಿಹೆಂಡ್​ ದಿ ಫಾಲ್ ಅಂಡ್​ ದಿ ರೈಸ್​ ಆಫ್​ ದಿ ಕಾಂಗ್ರೆಸ್​ ‘ ಪುಸ್ತಕದಲ್ಲಿ ಈ ರಹಸ್ಯವನ್ನು ಬಹಿರಂಗಗೊಳಿಸಿದ್ದಾರೆ.

1984ರ ಚುನಾವಣೆ ರಾಜೀವ್ ಗಾಂಧಿಯವರಿಗೆ ಬಹುದೊಡ್ಡ ತಲೆನೋವಾಗಿತ್ತು. ಸಿಖ್ಖರು ಪ್ರತ್ಯೇಕ ರಾಷ್ಟ್ರಕ್ಕಾಗಿ ಹೋರಾಟ ನಡೆಸುತ್ತಿದ್ದರು. ಆ ಸಮಯದಲ್ಲಿ ಅಕ್ರಮಣಕಾರಿ ಸ್ವಭಾವದವರಾದ ರಾಜೀವ್ ಗಾಂಧಿ, ಹಿಂದೂಗಳ ಅಭದ್ರತೆಯ ಲಾಭವನ್ನು ಬಳಸಿಕೊಳ್ಳುವ ಮೂಲಕ ಅಧಿಕಾರವನ್ನು ಪಡೆಯಲು ಯತ್ನಿಸಿದರು. ತನ್ನ ತಾಯಿ ಸಾವಿನ ಅನುಕಂಪ ಮತ್ತು ಹಿಂದೂತ್ವವನ್ನು ರಾಜಕೀಯದಲ್ಲಿ ಬಳಸಿಕೊಳ್ಳುವ ಉದ್ದೇಶದಿಂದ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಬಾಳಾಸಾಹೇಬ್ ದಯೋರಾ ​ ಅವರನ್ನು ರಾಜೀವ್​ ಗಾಂಧಿ ಭೇಟಿಯಾಗಿದ್ದರು. ಈ ಕುರಿತು ರಾಜೀವ್​ ಹಾಗೂ ಬಾಳಾ ಸಾಹೇಬ್ ಗುಪ್ತ ಮಾತುಕತೆ ನಡೆಸಿದರು ಎಂದು ಪುಸ್ತಕದಲ್ಲಿ ಬರೆಯಲಾಗಿದೆ.

ಆರೆಸ್ಸೆಸ್ ಸಹಯದಿಂದ ಕಾಂಗ್ರೆಸ್ ಪಕ್ಷವು 84 ಕ್ಷೇತ್ರಗಳಲ್ಲಿ ಜಯಭೇರಿ ಬಾರಿಸಿತು. ಇದನ್ನು ಕಾಂಗ್ರೆಸಿನ ಮಾಜಿ ಸಂಸದರೂ ಕೂಡ ಒಪ್ಪಿಕೊಂಡಿದ್ದಾರೆ. ಮಾಜಿ ಕಾಂಗ್ರೆಸ್​ ನಾಯಕ ಬನ್ವರಿಯಲ್ ಪುರೋಹಿತ್​ ರಾಜೀವ್​ ಗಾಂಧಿ ಮತ್ತು ಬಾಳಾ ಸಾಹೇವ್​ ನಡುವೆ ಮಧ್ಯವರ್ತಿಯಾಗಿದ್ದರು ಎಂಬುದನ್ನು ಪುಸ್ತಕದಲ್ಲಿ ಅವರು ತಿಳಿಸಿದ್ದಾರೆ.

Leave a Reply

Your email address will not be published. Required fields are marked *