ಬಂಟ್ವಾಳ: ಶುಕ್ರವಾರದಂದು ಎಸ್ಡಿಪಿಐ ಅಭ್ಯರ್ಥಿ ರಿಯಾಝ್ ಫರಂಗಿಪೇಟೆ ನಾಮಪತ್ರ ಸಲ್ಲಿಕೆ

ನ್ಯೂಸ್ ಕನ್ನಡ ವರದಿ-(17.04.18): ಕರ್ನಾಟಕ ವಿಧಾನ ಸಭಾ ಚುನಾವಣೆಗೆ ಬಂಟ್ವಾಳ ಕ್ಷೇತ್ರದಲ್ಲಿ ಎಸ್ ಡಿ ಪಿ ಐ ಯಿಂದ ಸ್ಪರ್ದಿಸುತ್ತಿರುವ ರಿಯಾಝ್ ಫರಂಗಿಪೇಟೆಯವರು ಏಪ್ರಿಲ್ 20 ರ ಶುಕ್ರವಾರದಂದು ನಾಮಪತ್ರ ಸಲ್ಲಿಸಲಿದ್ದಾರೆ. ಮದ್ಯಾಹ್ನ 2 ಘಂಟೆಗೆ ಕ್ಷೇತ್ರ ಕಛೇರಿಯಿಂದ ಕೈಕಂಬ ರಸ್ತೆಯಾಗಿ ತಾಲೂಕು ಕಛೇರಿಗೆ ಪಾದಯಾತ್ರೆ ಮೂಲಕ ನಾಮ ಪತ್ರ ಸಲ್ಲಿಸಲಿದ್ದು ನಂತರ ಲಯನ್ಸ್ ಕ್ಲಬ್ ವಠಾರದಲ್ಲಿ ಪಕ್ಷದ ಕಾರ್ಯಕರ್ತರು ಮತ್ತು ಬೆಂಬಲಿಗರ ಬೃಹತ್ ಸಮಾವೇಶ ಹಮ್ಮಿಕೊಳ್ಳಲಾಗಿದೆ.

ಈ ಕಾರ್ಯಕ್ರಮಕ್ಕೆ ಪಕ್ಷದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಮುಹಮ್ಮದ್ ಇಲ್ಯಾಸ್ ಭಾಗವಹಿಸಲಿದ್ದು ಅಲ್ಲದೇ ರಾಜ್ಯ ಉಪಾಧ್ಯಕ್ಷರಾದ ದೇವನೂರು ಪುಟ್ಟನಂಜಯ್ಯ, ಕಾರ್ಯದರ್ಶಿಗಳಾದ ಆಲ್ಫಾನ್ಸೋ ಫ್ರಾಂಕೋ, ಅಕ್ರಮ್ ಹಸನ್, ಚುನಾವಣಾ ವೀಕ್ಷಕರಾಗಿರುವ ಅಬ್ದುಲ್ ಖಾದರ್ ಜಿಲ್ಲಾಧ್ಯಕ್ಷರಾದ ಅಥಾವುಲ್ಲಾ ಜೋಕಟ್ಟೆ, ಉಪಾಧ್ಯಕ್ಷರುಗಳಾದ ಆಂಟೊನಿ ಪ್ರದೀಪ್, ಆನಂದ ಮಿತ್ತಬೈಲ್, ಪಿ.ಎಫ್ ಐ ಮುಖಂಡರಾದ ಶಾಫಿ ಬೆಳ್ಳಾರೆ,ಅನ್ವರ್ ಸಾದಾತ್,ಇಜಾಝ್ ಅಹ್ಮದ್ ಹಾಗೂ ಪಕ್ಷದ ಮುಖಂಡರುಗಳಾದ ನ್ಯಾ ಅಬ್ದುಲ್ ಮಜೀದ್ ಖಾನ್,ಹನೀಫ್ ಖಾನ್,ಇಕ್ಬಾಲ್ ಬೆಳ್ಳಾರೆ, ಮುಂತಾದ ಗಣ್ಯರು ಭಾಗವಹಿಸಲಿದ್ದಾರೆ ಎಂದು ಕ್ಷೇತ್ರ ಅಧ್ಯಕ್ಷರು ಮತ್ತು  ಚುನಾವಣ ಸಹ ವೀಕ್ಷಕರಾಗಿರುವ ಸಾಹುಲ್ ಹಮೀದ್ ಎಸ್ ಎಚ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

Leave a Reply

Your email address will not be published. Required fields are marked *